Монгол улсын баруун хязгаар, Улаанбаатар хотоос 1382км алсад орших Увс аймгийн төвөөс холгүй Увс нуур оршдог. Увс нуур нь төв азийн гадагш урсгалгүй савд багтдаг Монгол орны төдийгүй төв Азийн хамгийн том эрдэст нуур юм.
Монгол улсын баруун хязгаар, Улаанбаатар хотоос 1382км алсад орших Увс аймгийн төвөөс холгүй Увс нуур оршдог. Увс нуур нь төв азийн гадагш урсгалгүй савд багтдаг Монгол орны төдийгүй төв Азийн хамгийн том эрдэст нуур юм.
Увс нуурын ай сав нь байгалийн бүх бүслүүрийг өөртөө багтаасан, ховор амьтан ургамал бүхий онгон дагшин нутаг бөгөөд НҮБ-ын олон улсын шим мандлын нөөц газрын сүлжээнд 1997 онд, Дэлхийн өвийн сүлжээнд 2003 онд, Рамсарын конвенцид 2004 онд тус тус бүртгэгдэн Дархан цаазат газар нутаг болгожээ.
Увс Нуурт цутгадаг голуудын сав газарт байгалийн зэрлэг чацарганы тархацтай бөгөөд энэ нь Монгол орны нийт чацарганы 70 орчим хувь юм. Тухайн сав газар өвөлдөө -58градус, зундаа +45 градус температурын дээд, доод хязгаарт хүрдэг эрс тэс уур амьсгалтай бүс нутаг билээ. Анх энэ бүс нутагт 1964 онд Доктор (Ph.D) Б.Лааган тэргүүтэй эрдэмтэд анхны чацарганы цэцэрлэгийг байгуулан чацаргана жимсийг тарималжуулах ажил эхэлжээ.
1970-аад оны эхэн үед Монгол Улсын Их Сургуулийн багш Доктор (Ph.D) Л.Цэндээхүүгийн хийсэн судалгаанд Их Нууруудын хотгор буюу Увс Нуурын ай сав газрын чацаргана нь бусад бүс нутаг дахь чацарганаас илүү тослогтой болохыг тогтоосон бөгөөд энэ нь тухайн бүс нутгийн цаг уур, газарзүйн онцлогтой шууд хамааралтай хэмээн тэмдэглэсэн байдаг. Эдгээр болон бусад түүхэн баримт, судалгааны ажлын туршлага, нөөцийг үндэслэн 2007 онд “Увсын чацаргана газарзүйн заалт”-ыг томьёолон Монгол улсын оюуны өмчийн газар бүртгүүлж гэрчилгээ авчээ.
Экологийн цэвэр нөөцийг дэвшилтэт технологиор боловсруулан эрүүл хүнсийг хэрэглэгчдэд хүргэх эрхэм зорилгын хүрээнд Увс Хүнс ХК нь үйл ажиллагаагаа тасралтгүй сайжруулахын тулд Чанарын удирдлагын тогтолцоо ISO 9001:2015, Хүнсний аюулгүй байдлын тогтолцоо ISO 22000 стандартуудыг амжилттай нэвтрүүлэн, ажиллаж байна.
Мөн “Увс Хүнс ” ХК-ийн түүхий эд болон бэлэн бүтээгдэхүүний чанарын шинжилгээг гүйцэтгэдэг Сорилтын лаборатори “MNS ISO/IEC 17025:2018” шаардлагыг хангаж 4 дахь удаагаа амжилттай итгэмжлэгдэн.
Бид Чанарын Удирдлагын тогтолцооны стандартуудыг тасралтгүйгээр сайжруулж, хүний нөөцийн хөгжлийг нэн тэргүүнд тавин, хэрэглэгчийн шаардлагыг давуулан биелүүлэх боломжыг ямагт эрэлхийлж, ногоон хөгжилд тулгуурласан үйлдвэрлэлийн үйл ажиллагаа явуулах бодлогыг баримтлан ажиллана. Чанарын бодлогын хэрэгжилтийг хангахын тулд дараах Чанарын зорилтуудыг дэвшүүлэн ажиллана. Үүнд:
